المساعد الشخصي الرقمي

مشاهدة النسخة كاملة : المصريين


aqmero
29-09-2009, 04:26 PM
السلام عليكم
يا جماعة انا مرعوب من ان حكاية الجامعة مفهاش مصريين كتير ياريت حد يطمنى
انا ان شاء الله داخل كلية العلوم العلوم الطبية وياريت حد يقولى ايه اخبار المصريين فى الكلية دى وفى الجامعة عموما
hossam elngmy
29-09-2009, 05:47 PM
ليه يا عم متقلقش احنا فى الاول والاخر كلنا اخوه سواء مصريين او الاشقاء العرب وهتحس بانك وسط اخواتك انا كنت مرعوب زيك بس متقلقش وكمان علشان تطمن فيه ناس كتير من مصر
elreybob
29-09-2009, 06:52 PM
ههههههههه ياعم مرعوب من ايه ياعم هو فى ايه؟ هى مصر دى مش عربيه برضه ولا العرب دول ناس تانيه ههههههههه
ع العموم ماتخافش انا مصرى اهو واصحابى كلهم من الخليج وفلسطنين وناس زى الفل
بووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووب
Captain_Charisma
29-09-2009, 08:27 PM
زى ماقالولك حسام و الرايبوب هتلاقى مصريين كتير و كمان عايز أقولك حاجة بجد الاشقاء العرب هما الى مخليين للجامعة طعم مختلف يعنى بتحس انك فى مكان جديد غير أى مكان بتروحه و بتتعرف على ثقافات مختلفة و دنيا حلوة أوى هناك . أنا كمان ليا اصحاب كتير من فلسطين و العراق و الخليج و كلنا اخوات و حبايب
ماتقلقش من حاجة
فـارس زمـانه
30-09-2009, 10:27 AM
ههههههههههههههههههههههه

الله يهديك دي المفروض اخر حاجه تقلق منها

انا عايز اطمنك انك حتلاقي مصريين كتير بس في نفس الوقت حتلاقي اصدقاء كتير من الوطن العربي

المهم تقلاقي الاصدقاء الي ترتاح معاهم بغض النظر عن الجنسيه

وحتلاقيها انها حاجه حلوه لما تتعرف على ناس من دول مختلفه وتتعرف على ثقافتا مختلفه حتزيد من خبرتك

وتعلمك اكتر ازاي تتعامل مع الناس على اساس اننا كلنا زي بعض ومش حتفرق جنسياتهم
علي البهار
30-09-2009, 11:12 AM
اكيد طبعا فيه مصريين كتير .. وفيه عرب كتير ..

وحتلاقي نفسك مندمج جدا في الوسط الجميل دة .. وانا متأكد انك حتكون صداقات تدوم فترة طويلة وتكسب اصحاب مميزين جدا

تحياتي

علي البهار